ओस्कार वाइल्डको भनाइ छ, औसत मानिस भइ बाँच्नु घातक कार्य हो । मानव भएर जन्म लिइसकेपछी पुरा जीवनका लागि कुनै महान् लक्ष्य, उद्देश्य तथा सपना नहुनु तात्विक रुपमा मानव नै नहुनु हो । यसर्थ, व्यक्तिलाई जीवनको स्पष्ट लक्ष्य निर्माण गर्न उत्प्रेरित गर्ने प्रधान लक्ष्यद्धारा निर्देशित इ-म्यागजिन हो, सफलता पोष्ट । त्यही व्यक्तिबाट मात्र सकारात्मक कुराको अपेक्षा राख्न सकिन्छ, जससँग महान् लक्ष्य हुन्छ । नेपालको परिप्रेक्ष्यमा निश्चित उद्देश्य नभएका नेताहरुद्धारा नै देश हाल अनिश्चयको घेरामा बन्द हुन पुगेको तथ्य तपाई हामी समक्ष छर्लंग छ । वर्तमान परिस्थितीमा देखिएको चौतर्फि निरासा, अस्तव्यस्तता, नकरात्मकता एवं विविध विसंगतिहरुका बिच सानै भए पनि व्यक्तिमा प्रेरण जागृत गराइ आशा, चुस्त व्यवस्था, सकारात्मकता एवं सृजनशिलता तर्फ उन्मुख गराउनु हाम्रो प्रमुख धेय हो । प्रसंगवस् हेलेन केलरलाई कसैले सोधेछ, आखाँ नदेख्नु भन्दा खराब अन्य केही होला र ? प्रत्युत्तरमा हेलेनले भन्नुभयो, ‘छ, आखाँ भएर पनि सपना नदेख्नु ।’

मुलतः THE WAY OF SUCCESS तथा सफलता – Nepali Success Quotes मा प्राप्त लोकप्रियतालाई थप विकसित गराउनको निम्ति यो वेवसाइटको सुरुवात गरिएको हो । यहाँ हामीले आफैद्वारा सृजित, बिभिन्न क्रिएटिभ कमन्स अन्तर्गतका सामग्रीहरुको अनुवाद एवं तपाईहरुद्धारा नै प्रेषित सामाग्रीहरु प्रकाशित गर्दछौ । हामीले हाम्रो दायरालाई फराकिलो बनाउदै YouTube मा पनि प्रेरक सामाग्रीहरु तयार गरी प्रकाशित गर्ने गर्दछौ । हाम्रो च्यानललाई यहाँ क्लिक गरी सब्स्क्राइब गर्न सक्नुहुनेछ । साथै हामिले प्रेरक संसार नामक वृहत नेपाली प्रेरक सामाग्रीहरु समेटिएको वेव्लग पोर्टल पनि संचालन गर्दछौ जसका सामग्रीहरु हज्जारौं व्यक्तिहरुद्वारा हालसम्म लाखौ पटक अध्ययन गरिएको छ साथै विभिन्न राष्ट्रिय-अन्तराष्ट्रिय प्लेटफर्महरुमा त्यहाँका सामाग्रीहरु प्रयोग गरिका छन्  । हाल यस म्यागजिनको प्रत्यक्ष सम्पादन केशर भण्डारी ‘यात्री’ ज्यूले गरिरहनु भएको छ ।

सकारात्मक उद्देश्यद्धारा सञ्चालित यस् प्रेरक म्यागजिनको थप वृद्धि र विकासको निम्ति यहाँहरुको परोक्ष सहयोग रहनेछ भन्ने विश्वास लिएका छौ । तपाईहरुको उत्साहजनक, अमूल्य साथ एवं सहयोग विना हामी कदापी अगाडी बढ्न सक्नेछैनौ । यसर्थ आफ्नो स्थानबाट तपाईको सक्दो सहयोगको हामी पूर्ण आशा राख्दछौ ।